- វិថីនៃការលក់
មនុស្សជាវត្ថុមានជីវិតដែលខុសប្លែកពីវត្ថុមានជីវិតដទៃ ទៀតត្រង់ដែលមានខួរក្បាលដ៏មានប្រ សិទ្ឋិភាពខ្លាំងជាទីបំផុតព្រមទាំងមានសម្ថតភាពមាន សេចក្តីព្យាយាមនិងភាពអត់ធ្មត់ចំពោះ ការ ធ្វើកិច្ចការងារផ្សេងៗ អោយប្រសព្វតែសេចក្តីសំរេច។ក្រៅពីនេះមនុស្សថែមទាំងមានពរពីកំនើត ឬអ្នកខ្លះអាចជាពរដែលស្វែងរកក៏ដោយចុះតែពរទាំងពីនេះក៏សុទ្ឋតែជួយអោយយើងជួប ប្រសព្វ នូវភាពជោគជ័យក្នុងអាជីពណាមួយបានដូចៗគ្នា។យើងក៏ត្រូវតែមានកលយុទ្ឋរួមទាំងសេច ក្តីក្លា ហានដែលនិងត្រូវឈានដើរលើផ្លូវដែលខុសប្លែកពីអ្នកដទៃផងដែរ។
នៅក្នុងបណ្តាអាជីពទាំងឡាយពោលគឺ អាជីពដែលត្រូវបង្ហាញនូវសម្ថតភាពផ្ទាល់ខ្លូនហើយដែល អាចសាងមាសប្រាក់បានយ៉ាងឆាប់រហ័សនោះគឺ “អាជីពជាអ្នកលក់” តែបើត្រូវការភាពជោគជ័យនៅលើវិថីជាអ្នកជំនាញផ្នែកលក់ យើងគប្បីគូរតែមានអ្វីដែលច្រើនជាងអ្នកលក់ទំនិញឬអ្នកដែល បានទទួលការបញ្ជារទិញហើយថែមទាំងត្រូវយល់អោយបានច្បាស់អំពីអាជីពនិង ចិត្តវិញ្ញាណនៃការធ្វើការងារនេះ រហូតដល់រឿងសំខាន់បំផុតនោះគឺពាក់ពន្ឋ័នឹងចរិយាមាយាទ។
ដូច្នេះហើយការដែលបានឈ្មោះថា”អ្នកជំនាញផ្នែកលក់”គឺមិនមែនជាការងាយស្រួលនោះឡើយ តែក៏មិនពិបាកហួសសមត្ថភាពរបស់អ្នកដែលតាំងចិត្តគ្រប់ ៗ គ្នានោះដែរ។ប្រសិនបើយើងពិចារណាពាក្យថា ”អ្នកជំនាញផ្នែកលក់” យ៉ាងហ្មត់ចត់យើងនិងឃើញគុណលក្ខណះដែលអ្នកលក់ដ៏ល្អគួរមាន។
ពាក្យថា ”លក់” ក្នុងភាសាខ្មែរគឺជាពាក្យកិរិយាស័ព្ទដែលមានន័យថាយករបស់ប្តូរជាលុយឬរបស់ផ្សេង ៗ តាមដែលព្រមព្រៀងគ្នាតែសំរាប់អត្ថន័យនៅក្នុងការធ្វើជំនួញពាក្យថា ”លក់់” មាន ន័យដ៏ជ្រាលជ្រៅដែលអាចចាត់ទុកថា ”ការលក់”ជាយុទ្ឋវិធីនៃការសាងនៅកំលាំងទាក់ទាញចិត្ត អោយអ្នកដ៏ទៃត្រូវការទិញឬចង់ជាម្ចាស់គ្រប់គ្រងនូវទំនិញទាំងនោះ។
លើសពីនេះទៅទៀត ”លក់” ថែមទាំងជាវិថីនៃការចរចារ នឹងការផ្លាស់ប្តូររួមទាំងជាវិថីនៃការសាងឱកាសជាច្រើនផ្នែកទៀតផង។ពាក្យថា ”អ្នកលក់” នោះមិនមែនមានអត្តន័យត្រឹមតែជាអ្នកដាក់ លក់ឬជាអ្នកដែលធ្វើអោយកើតការដោះដូរនោះទេតែថែមទាំងសំគាល់ដល់អ្នកដែលធ្វើអោយអ្នក ទិញឬអតិថិជនមានអារម្មណ៍ជឿជាក់លើទំនិញរហូតទាល់តែសំរេចចិត្តទិញទំនិញរបស់គេ។
ចំនែកពាក្យថា ”ជំនាញ” វិញនោះគឺមានន័យយ៉ាងជ្រាលជ្រៅដែលសំគាល់អោយមនុស្សដែល មានភាពប៉ិនប្រសព្វនិងមានសមត្ថភាពព្រមទាំងមានការយល់ដឹងនូវអ្វីដែលគេធ្វើឬក៏កំពុងប្រតិបត្តិ យល់ដឹង ពីវិធីនឹងគ្រឹះដ៏ត្រឹមត្រូវព្រមទាំងចេះជាក់ច្បាស់នូវអ្វីដែលគេធ្វើទៀតផង។
- តើអ្នកចង់ក្លាយជាអ្នកជំនាញដែរឬទេ?
គ្រប់គ្នាត្រូវការជំនាញលើការងារដែលខ្លួនកំពុងធ្វើ ប្រសិន បើយើងជាអ្នកជំនាញផ្នែលក់យើងក៏ត្រូវមានចំណេះដឹងនឹងភាពប៉ិនប្រសព្វលើទំនិញឬផលិតផល របស់យើងជាមុនសិនជាជំហានដំបូង។ ដូច្នេះប្រសិនបើយើងចង់ក្លាយជាអ្នកលក់បែបជំនាញយើង ក៏ត្រូវសិក្សាទាំងផ្នែកទ្រឹស្តី នឹងការអនុវត្តផងដែរព្រមទាំងប្រើពេលវេលាក្នុងការសន្សំបទពិ សោធន៏ចំណេះដឹងផ្សេងៗរួមទាំងជំនាញដែលកើតឡើងពីភាពជោគជ័យរបស់យើង។
ភាពជាអ្នកជំនាញមិនមែនត្រឹមតែជាឬសគល់ការសិក្សារបស់បុគ្គលម្នាក់ៗនោះទេ តែគឺជាខ្លឹមសារ នៃការស្ទាបស្ទង់តែផងដែរ មិនសំខាន់ថាអ្នកជាអ្នកលក់ដែលបញ្ចប់ការសិក្សាលំដាប់ណានោះឡើយ តែគំនិតនៃ ការធ្វើឬប្រព្រឹត្តិឯណោះទេដែលសរបញ្ជាក់អោយឃើញច្បាស់ថាអ្នកលក់ម្នាក់ ៗ មានសមត្ថភាពនិងជំនាញក្នុងអាជីពជាអ្នកលក់ច្រើនឬតិចប៉ុណ្ណានោះ។
- យល់យ៉ាងច្បាស់អំពីអាជីពរបស់ខ្លួន
មិនថាអ្នកជាអ្នកជំនួញដែលមានទុនម៉ឺនលាន ជាគ្រូបង្រៀនថ្នាក់មត្តេយ្យ ជាគិលានុបដ្ឋាយកា ជាទាហ៊ានយាមល្បាតតាមជាយដែនឬក៏ជាបុគ្គលិកអនាម័យក្តី ប្រសិនបើអ្នកចង់ទទួលបាន នូវ ភាពជោគជ័យក្នុងភារៈកិច្ចរបស់អ្នកនោះកត្តាសំខាន់ជំហ៊ានដំបូង ដែលយើងត្រូវគិតដល់ នោះគឺ ការ ស្វែងយល់នូវអាជីពរបស់ខ្លួនជាមុនសិន។
អាជីពជាអ្នកលក់គប្បីមានឧបសគ្គជាច្រើនអនេកកប្បការ តែបើនិយាយឲ្យពិតទៅមិនថាអាជីពអ្វី គឺដូចគ្នាតែទាំងអស់ ខុសគ្នាត្រង់ថាអាជីពមួយណាដែលជួបនូវការផ្សងព្រេងចំពោះ ឧបសគ្គ ច្រើន ឬ តិចប៉ុណ្ណា ឬក៏អ្នកណាអាចមានចំណាត់ការចំពោះឧបសគ្គបានល្អជាងអ្នកណា។ អាជីពជាអ្នក លក់ហាក់បីដូចជាកាំបិតមុខពីរអីចឹង មានទាំងផ្នែកល្អនិងអាក្រក់ ដូច្នោះហើយមុននិងយើងធ្វើការ សំរេចចិត្តជ្រើសរើសយកអាជីពជាអ្នកលក់យើងគប្បីយល់ឲ្យច្បាស់អំពី អាជីពនេះជាមុនសិន។
- ផលកំរៃរបស់អ្នកលក់
ផលកំរៃរបស់អ្នកលក់គឺជាអ្វីដែលអ្នកលក់ចង់បានជាទីបំផុតដែលបដិសេដ្ឋមិនបាន ហើយនេះជាកត្តាសំខាន់ ដំបូងដែលទាក់ទាញឲ្យអ្នកគ្រប់គ្នាចង់ចូលប្រលូកក្នុងអាជីពនេះ។ អ្នកខ្លះប្រហែលជាធ្លាប់បានឮ អំពីការនិយាយត ៗ គ្នាថាអ្នកលក់តែងបានផលកំរៃជាឈ្មួញកណ្តាលឬកំរៃជើងសារ “Commission” ដែលមើលទៅហាក់បីដូចជាខ្ពស់ហើយនិងជាផលកំរៃដែលបានមកដោយងាយ ទើបម្នាក់ ៗ ស្រម័យចង់បាននូវផលកំរៃបែបនោះជាពិសេសក្នុងស្ថានភាពសេដ្ឋកិច្ចពិភពលោក កំពុង តែពើបប្រទះនូវភាពដុនដាបការដែលទទួលបានប្រាក់ចំនួនច្រើនថែមទាំង ជាការងារ ដែល ងាយស្រួលយ៉ាងនេះអ្នកណាក៏ចង់ធ្វើដែរ។
ទោះជាយ៉ាងណាកំរៃជើងសារ “Commission” ដែលខ្ពស់ក៏ពិតមែនគឺសុទ្ធសឹងតែប្តូរជាមួយនិង ញើសឈាមនិងកំលាំងការងារតែទាំងអស់ យើងមិនត្រូវភ្លេចថាទំរាំតែបានប្រាក់ដុំមកនោះអ្នក លក់ត្រូវព្យាយាមពុះពារនូវឧបសគ្គ ត្រូវពើបប្រទះនិងភាពលំបាកលំបិនខ្លាំងប៉ុណ្ណាហើយអ្វីដែល សំខាន់នោះគឺផលកំរៃដែលបានមកពីកំរៃជើងសារក៏ជាផលកំរៃដែលមិន នឹងនរព្រោះត្រូវប្តូរ ជា មួយ និងផលសំរេចនិងភាពពេញចិត្តពេញថ្លើមរបស់អតិថិជនព្រមទាំងអ្វីៗ ជាច្រើនទៀត។ដូច្នេះហើយសំរាប់អ្នកដែលចង់មានផលកំរៃយ៉ាងជាក់លាក់ ឬ នឹងនរនោះអាចត្រូវធ្វើការយ៉ាងលំបាក លំបិនគួរសម។
- ការប្រណាំងប្រជែងក្នុងអាជីពជាអ្នកលក់
ជាអ្នកលក់គឺត្រូវជួបនូវការប្រណាំងប្រជែង តាំងតែដែលអ្នកបានជ្រើសយកអាជីពនេះក៏ថាបានព្រោះអ្នក លក់ត្រូវតែជួបប្រទះនូវអ្វីថ្មី ៗ ជារៀងរាល់ថ្ងៃ មានទាំងរឿងល្អនិងរឿងអាក្រក់ ត្រូវ ជួបប្រទះអតិថិជនជាច្រើនប្រភេទ ត្រូវព្យាយាមដោះស្រាយបញ្ហាគ្រប់ពេល ហើយអ្នកលក់ក៏មិនអាចដឹងជាមុនបានទេថាបញ្ហានិងចូលមកក្នុងពេលណាមួយ ដែលជាហេតុធ្វើឲ្យជួបនូវរឿងដែល គួរឲ្យភ្ញាក់ផ្អើលគ្រប់ពេល
ហេតុដូច្នេះ សំរាប់អ្នកដែលចូលចិត្តការប្រកួតប្រជែងចូលចិត្តជួបនូវរឿងថ្មីៗ ជាដ៏រាបនោះអាជីព ជាអ្នកលក់គួរតែជាអាជីពក្នុងសុបិន្តរបស់អ្នក ប៉ុន្តែសំរាប់អ្នកដែលចូលចិត្តធ្វើការប្រចាំ “Routine” ហើយមិនចូលចិត្តការផ្លាស់ប្តូរការងារទេនោះ ការងារនេះមិនសមជាមួយនិងអ្នកទេ។
- សេរីភាពរបស់អ្នកលក់
អ្នកលក់អាចធ្វើកិច្ចការតែម្នាក់ឯង បានដោយមិនចាំបាច់មាន អ្នកណាមកបញ្ជា ប្រសិនបើចង់បាន ផលកំរៃច្រើនគឺត្រូវព្យាយាមធ្វើការឲ្យបានកាន់តែច្រើន កត្តាសំខាន់នោះអ្នកលក់ត្រូវធ្វើការ សំរេចចិត្តដោយខ្លួនឯង ក្រោមលក្ខខ័ណ្ឌរបស់ក្រុមហ៊ុនដែលបានកំណត់ ជួនកាលមានភាព យឺតយ៉ាវបន្តិចក្នុងការតថ្លៃ តែអ្នកលក់ត្រូវធ្វើការសំរេចចិត្តឲ្យលឿន ហើយប្រសិនបើប្រទះនូវកំហុសឆ្គងក៏ត្រូវទទួលខុសត្រូវដោយខ្លួនឯង ដែលធ្វើឲ្យគុណសម្បត្តិរបស់អ្នកលក់ក្រៅអំពី ចូល ចិត្តនូវសេរីភាពហើយ ថែមទាំងត្រូវមានទំនុកចិត្តហើយនិងត្រូវហ៊ាន ធ្វើការសំរេចចិត្តដោយខ្លួនឯងផងដែរ ដូច្នេះសំរាប់ អ្នកដែលមិនសូវមានទំនុកចិត្តលើខ្លួនឯងទេនោះការងារឬអាជីពជាអ្នកលក់មិនសម សំរាប់ អ្នក ទេ។
- ការសមបំណងឬខកបំណងអាចកើតឡើងចំពោះអ្នកលក់គ្រប់ពេល
អ្នកលក់គឺតែងតែប្រសព្វនិងក្តីសមបំណងនិងខកបំណងគ្រប់ពេល ព្រោះភាពជោគជ័យនៃ ការងារជាអ្នកលក់គឺស្ថិតនៅលើចំណុចជាច្រើនយ៉ាងដែលពេលខ្លះយើងក៏ពុំអាច គ្រប់គ្រងបានដែលបណ្តាលឲ្យខែខ្លះពេលដែលបិទបញ្ជីដោយតួរលេខខ្ពស់ និងខែខ្លះតួរលេខទាបធ្លាក់ដល់កំរិតក៏ថាបាន អ្នកលក់ត្រូវជួយដោះស្រាយបញ្ហាឲ្យអតិថិជន ជាច្រើនរូបបែប និងតាមតម្រូវការជាច្រើន ដូច្នេះហើយអ្នកលក់គប្បីមានចិត្តអំណត់ចំពោះបញ្ហានេះផងដែរ។
- ពេលវេលាមិនមែនជាអ្វីដែលអ្នកលក់អាចជ្រើសរើសបាននោះទេ
បើប្រសិនបើស្រលាញ់ការងារជាអ្នកលក់ អ្នកគប្បីទទួលយកនូវលក្ខ័ណ្ឌនេះ ឲ្យបាន។ ដែលថាពេលវេលារបស់អ្នកលក់មានភាពមិនជាក់លាក់នោះ គឺអាស្រ័យលើតម្រូវការរបស់អតិថិជន ព្រោះអតិថិជនខ្លះអាចមានពេលឲ្យយើងត្រឹមតែពេលដែលចេញពីធ្វើការ ឬ ឈប់សំរាកពីការងារតែប៉ុណ្ណោះ ដែលជាហេតុធ្វើឲ្យអ្នកលក់អាចនិងមិនមានពេលជា លក្ខណៈផ្ទាល់ខ្លួន ហើយជាពិសេសទៅទៀតនោះគឺយើងមិនអាចដឹងបានថានិងចាប់ផ្តើម ធ្វើការពេលណានិងឈប់សំរាកពេលណាទេ ឬ ថែមទាំងមិនដឹងថានិងត្រូវសំរាកហូបបាយនៅម៉ោងណាផងដែរ។
- ក្តីរីករាយរបស់អ្នកលក់
អ្នកលក់តែងតែជួបប្រទះមនុស្សជាច្រើនក៏ពិតមែន ថែមទាំងបានធ្វើដំណើរទៅនេះមកនោះគ្រប់ពេល មិនច្រំដែលក្តី តែយើងក៏មិនត្រូវភ្លេចទេថា វាមិនមែនជាភាពរីករាយនោះទេដែលត្រូវមកអង្គុយបរិយាយអំពីគុណតំលៃនៃទំនិញ ដែលជារឿងដ៏ដែលជាដ៏ដែល ជារៀងរាល់ថ្ងៃទៅកាន់អតិថិជននេះអតិថិជននោះ ឬ ត្រូវធ្វើដំណើរទៅជួបអតិថិជនដ៏ដែល ៗ ក៏វាមិនមែនជារឿងដែលគួរឲ្យរីករាយនោះទេប្រសិនបើយើងមិនមានការស្រលាញ់ពេញ ចិត្តចំពោះការងារនេះ។
- ពេលខ្លះយើងក៏ត្រូវទប់អារម្មណ៍
គុណលក្ខណៈសំខាន់របស់អ្នកលក់នោះគឺត្រូវចេះគ្រប់គ្រងអារម្មណ៍របស់ខ្លួនមិនថាអតិថិជន មានលក្ខណៈយ៉ាងម៉េចនោះទេ អ្នកលក់ក៏ត្រូវតែទទួលស្តាប់និង ព្យាយាមផ្តល់នូវដំណោះស្រាយ ជាច្រើនយ៉ាង ប្រសិនបើយើងជាមនុស្សចិត្តឆេវឆាវ គឺពិតជាលំបាកយ៉ាងខ្លាំងក្នុងការប្រកបការងារជាអ្នកលក់។
- សង្កេតមើលថាតើអ្នកមានលក្ខណៈសម្បត្តិបជាអ្នកលក់ដែរឬទេ?
តើអ្នកធ្លាប់បានសងេ្កតដែរឬទេថាតើអ្នកមានលក្ខណៈសម្បត្តិបជាអ្នកលក់ដែរឬទេ? ជាការពិតណាស់ដែលមានមនុស្សជាច្រើនដែលនិងឈានជាអ្នកជំនាញផ្នែកលក់បាន ត្រឹមតែយើងមិនបានសង្កេតឬមិនបានពិចារណានូវសមត្ថភាពរសប់ខ្លួនតែប៉ុណ្ណោះឯង.. ហេតុដូច្នោះហើយយើងគប្បីកុំបន្តោយឲ្យឳកាសនៃការឆ្ពោះទៅមុខរបស់អ្នករបូតចេញពីដៃទៅបាន សាកល្បងសង្កេតមើលខ្លួនឯងថាតើអ្នកមានគុណសម្បត្តិទាំងនេះឬទេ!
- 10 ចំនុចដែលប្រាប់ថាយើងក៏អាចជាអ្នកលក់បាន
- មានទស្សនៈគតិល្អចំពោះការលក់
ទំនិញ និង អតិតថិជន ការមានទស្សនៈគតិល្អចំពោះអាជីពដែលធ្វើនោះចាត់ទុកជាមូលដ្ឋានសំរាប់គ្រប់អាជីព ដែលការងារផ្នែកលក់ចាត់ទុកថាជាអាជីពដែលត្រូវប្រើភាពអត់ធ្មត់និងចិត្តស្រលាញ់នូវអាជីពនេះ - មានការយល់ដឹងអំពីក្រុមហ៊ុនទំនិញដែលលក់ និង គូរប្រកួតប្រជែង ការដែលចេះសិក្សាស្រាវជ្រាវរកទិន្នណីទាក់ទងទៅនិងទំនិញ និង សេវាកម្មរបស់ខ្លួននិងគូរប្រជែង ធ្វើឲ្យអ្នកទទួលបាននូវភាពជោគជ័យផ្នែកការលក់បានយ៉ាងប្រសើរ
- មានសម្ថភាពក្នុងការលក់តាមដំណាក់កាល
ការបើកលក់ ការស្នើលក់ ជាការ
- មានទស្សនៈគតិល្អចំពោះការលក់
រៀបរៀងដោយៈ សូ វុទ្ធី
សូមរង់ចាំអានអត្ថបទបន្តទៀតក្នុងពេលឆាប់ ៗ នេះ…
khmerblogger.wordpress.com 